Hapen negociatat për grupkapitullin e fundit, Kos: Suksesi është i Shqipërisë

Shqipëria

Hapen negociatat për grupkapitullin e fundit, Kos: Suksesi është i Shqipërisë

Më: 17 nëntor 2025 Në ora: 09:32
Marta Kos

Kryeministri Edi Rama zhvilloi në Bruksel një konferencë për shtyp me Marta Kos, Komisionere për Zgjerimin në Bashkimin Europian, dhe Marie Bjerre, Ministre e Punëve të Jashtme të Danimarkës, vend që mban Presidencën e Këshillit të BE-së.

Kos theksoi rëndësinë e ditës për Shqipërinë dhe Bashkimin Europian, duke e cilësuar çeljen e të gjithë grupkapitujve si një sukses të përbashkët.

Ajo vuri në dukje se rezultatet e arritura janë fryt i angazhimit të Shqipërisë por edhe i qytetarëve që mbështesin ndryshimet.

“Sot është një ditë e veçantë jo vetëm për Shqipërinë që hap të gjithë kapitujt, por edhe për BE. Sot tregon se BE ofron rezultate dhe mund të mbështetemi tek Shqipëria. Ky sukses nuk do ishte i mundur pa angazhimin Shqipërisë dhe mbështetjen e gjithë shteteve anëtare për të mbështetur Shqipërinë, jemi të përkushtuar ta sjellim Shqipërinë në BE, suksesi është i Shqipërisë, rezultat i punës së autoriteve për zbatimin e reformave të rëndësishme. Është rezultat i qytetarëve shqiptarë që kërkojnë ndryshim dhe i mbështesin këto ndryshime.

Shqipëria është shembulli më i mirë i fuqisë transformuese të zgjerimit, kur jepni rezultate, ju ecni para, jeni frymëzim për Ballkanin perëndimor. Çelja e të gjithë grupkapitujve është sukses, por mbyllja e tyre është çmimi real. Suksesi real është se sa shpejt miratoni dhe zbatoni legjislacionin real”, tha Kos.

comment Për komente lëvizni më poshtë
Sot mund të lexoni Shfletoni kopertinat