Përmbytjet, Ndoka: Problemi nis te ndarja territoriale, kemi bashki të lëna në mëshirë të fatit

Shqipëria

Përmbytjet, Ndoka: Problemi nis te ndarja territoriale, kemi bashki të lëna në mëshirë të fatit

Më: 8 janar 2026 Në ora: 21:42
Ilustrim

Në emisionin “Drejt” në “Ora News” të moderuar nga Luan Rama, politikani Nard Ndoka theksoi se janë shumë problematika që kanë zënë njëra-tjetrin dhe që na kanë bërë të ndodhemi përballë këtij realiteti.

“E para është ndarja territoriale, që është dëmi më i madh që i është bërë vendit.

Ne kemi bashki të mëdha që janë në kushtet e pamundësisë për t’i shërbyer qytetarëve të tyre.

Psh, bashkia e Durrësit përveç problemeve që ka qyteti ka dhe një numër të madh fshtrash, gjë që e ka futur në kolaps territorin.

Pra dëmi që është bërë me reformën është kolosal, ku kemi bashki që nuk e njohin fare kryetarin e bashkisë së tyre, pasi është e vështirë që ai të jetë prezent në terren.

Vlora është një eksperiment i Ramës, dhe të them të drejtën kam pritur që Rama të kishte një tjetër qasje për pushtetin lokal, pasi ka qenë vetë për 13 vite kryebashkiak i Tiranës, kjo në aspektin e kompetencave që ky kur ishte i kërkonte dhe kur u bë kryeministër ua mori.

Së dyti, financimi i bashkive duhej të ishte i pakufizuar nga qeveria dhe atë që e kanë tani e vjedhin, pra bashkitë janë lënë në mëshirë të fatit.

Pra kemi një organizim të ç’organizuar, ku del ministri dhe flet si kreu i Emergjencave dhe ky është një problem shumë i madh", u shpreh Nard Ndoka.

comment Për komente lëvizni më poshtë
Sot mund të lexoni Shfletoni kopertinat