Sherr në pazarin e vjetër të Korçës, një i plagosur me thikë dhe dy të lënduar

Shqipëria

Sherr në pazarin e vjetër të Korçës, një i plagosur me thikë dhe dy të lënduar

Më: 24 prill 2026 Në ora: 09:44
Foto ilustrim

Një konflikt i dhunshëm është regjistruar mëngjesin e kësaj të premte në pazarin e vjetër të Korçës, ku janë përfshirë dy pronarë lokalesh dhe një person tjetër.

Si pasojë e konfliktit, një person ka mbetur i plagosur me thikë, ndërsa dy të tjerët kanë pësuar dëmtime nga goditjet me karrige.

Të tre personat janë transportuar në spitalin e Korçës, ku po marrin ndihmën mjekësore ndërsa ende nuk dihen shkaqet e plota të sherrit.

Sipas informacioneve paraprake, sherri ka nisur fillimisht si një debat verbal mes palëve, por situata ka degraduar më pas në përdorimin e karrigeve të lokalit. Gjatë përplasjes, njëri prej personave ka marrë një thikë nga ambienti i lokalit dhe ka plagosur një prej të përfshirëve.

Në vendngjarje pritet të mbërrijë grupi hetimor, i cili do të marrë dëshmitë e të përfshirëve dhe do të punojë për zbardhjen e plotë të rrethanave të incidentit.

comment Për komente lëvizni më poshtë
Sot mund të lexoni Shfletoni kopertinat