Gazmend Husaj emërohet anëtar i bordit të FVK

Volejboll

Gazmend Husaj emërohet anëtar i bordit të FVK

Më: 31 korrik 2021 Në ora: 15:14
Gazmend Husaj emërohet anëtar i bordit të FVK

Volejbollisti më i mirë shqiptar Gazmend Husaj është emëruar anëtar i Bordit të FVK-së. 

“Emërimi i Husajt në Bord do të jetë një mbështetje mjaft e madhe për zhvillimin dhe avancimin e volejbollit të Kosovës. 

Përvoja e Husajt si lojtar profesionist dhe lidhjet e tij me klubet dhe federatat e ndryshme evropiane dhe me gjerë, do të ndikojnë që FVK të gëzoj respekt edhe me të madh në arenën ndërkombëtare. 

Husaj karrierën e ka filluar në klubin e volejbollit Rugova nga Peja për të vazhduar në Mabetex të Prishtinës, Studentin nga Tirana, Shkëndija nga Tetova, Chenois Volley nga Zvicra dhe disa klube të tjera. Kulmin e karrierës e ka arritur duke luajtur në ekipet e mëdha evropiane: Piacenza nga Italia, Tours Volley, Malye MMP, Inegol, Olympiacos, Bursa BBSK dhe ekipe të tjera. 

Vlen të theksohet që më klubin e Piacenzes ka fituar Kupën e Italisë, ndërsa me ekipin francez Tours Volley ?? ka fituar Kampionatin dhe Kupën e Francës”, njofton FVK.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat