Shqipëria në grup me Poloninë, Austrinë dhe Ukrainën

Volejboll

Shqipëria në grup me Poloninë, Austrinë dhe Ukrainën

Më: 10 dhjetor 2021 Në ora: 12:46
Shqipëria në grup me Poloninë, Austrinë dhe Ukrainën

Federata Shqiptare e Volejbollit ka konfirmuar pjesëmarrjen në fazën e grupeve të Kampionatit Europian për moshën U-19 vajza. Ky event do të zhvillohet në periudhën janar-prill të vitit të ardhshëm.

Raundi i parë do të zhvillohet në janar, ndërkohë që Shqipëria do të luajë në raundin e dytë, në fazën e grupeve. Vajzat kuqezi janë në Grupin G, bashkë me Poloninë, Austrinë dhe Ukrainën.

Sipas FSHV-së, Federata Europiane e Volejbollit i ka besuar Shqipërisë organizimin e ndeshjeve të këtij grupi. Ato do të luhen në mjediset e sallës sportive “Feti Borova” në kryeqytet, më datat 8-10 prill 2022.

Kjo është hera e dytë që Shqipëria merr pjesë në një event të kësaj grupmoshe  (u-19 vajza) brenda pak vitesh.

Në shtator të vitit 2018, Shqipëria mori pjesë në fazën finale të Europianit, si vend organizator.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat