Drita dhe Fer Volley janë me njërën këmbë në finalen e madhe

Volejboll

Drita dhe Fer Volley janë me njërën këmbë në finalen e madhe

Më: 22 prill 2022 Në ora: 16:09
Drita dhe Fer Volley janë me njërën këmbë në finalen e madhe

Të dielën, luhen përballjet e dyta të vlefshme për gjysmëfinalet e playoffit 2022, në konkurrencën e femrave.

Drita dhe Fer Volley janë në njërën këmbë në finalen e madhe, pas paraqitjeve dominuese në takimet e para si nikoqire.

Ekipi gjilanas në përballjen e parë, të luajtur në Gjilan, triumfoi me rezultat bindës, 3-0, kundër Skenderajt. Pavarësisht rezistencës së fortë të vashave nga Skenderaj në dy setet e parë, ishin të pa fuqishme që në fund të parandalonin humbjen.

Po aq bindëse sa Drita në ndeshjen e parë, ishte edhe Fer Volley, e cila si nikoqire mposhti M. Technologien, me rezultat 3-0, në përballjen tjetër gjysmëfinale. Ferizajaset ishin superiore nga fillimi deri në fund, por ende nuk kanë kryer punën krejtësisht.

Në rast se ekipi fitues i ndeshjes së parë gjysmëfinale, fiton edhe të dytën, kualifikohet në finale. Në të kundërtën, luhet ndeshja e tretë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat