A do t’i kthehet Drenusha sportit pas lindjes se vajzës?

Volejboll

A do t’i kthehet Drenusha sportit pas lindjes se vajzës?

Nga: Kemajl Goca Më: 4 maj 2022 Në ora: 15:37
A do t’i kthehet Drenusha sportit pas lindjes se vajzës?

Ka kohë që i mungon sportit skofiar, volejbollistja e spikatur Drenusha Asllanaj. 

Ajo tani e dy vite është jashtë fushës së lojës pikërisht pas lindjes së vajzës Dua!

Mungesa e saj po vërehet shumë, një volejbolliste e përsosur apo një profil që i mungon këtij sporti.

Image

Drenusha me vajzën Dua

Fakti tjetër është se vjen prej një familje volejbollistesh, Shemsije Asllanaj ka qenë volejbollistja më e mirë e të gjitha kohërave dhe Marigona Asllanaj, dikur një lojtare për lakmi! 

Drenusha ka luajtur me sukses edhe në fanellën e Kombëtares së Kosovës, por cila është dëshira e saj? 

“Me ka marr malli shumë për volejbollin, se kisha menduar kështu as vet. Po me mungon shumë, tani kur po i shoh finalet, me shumë emocion po i shikoj. Dhe kur po e shoh që nuk është ish ekipi im (M-Technologie) në finale po me dhemb. 

Mirëpo, familja është në radhë të parë dhe Dua po rritet e shpresoj te rikthehem”, thotë Drenusha për gazetën kombëtare “Bota sot”.

Image

Dua në mes të topave, vajza e Drenushës

Drenusha luan në pozitën e pasueses dhe nuk ka më shumë se 27 vjeç.

Ajo nuk ka dhënë më shumë detaje se ku do të luajë në të ardhmen, por i dhemb shumë shpirti që nuk është në fushën e lojës. Beson e shpreson se do të rikthehet në parket, me gjasë edhe në  vjeshtë e këtij viti.

Vajza e saj tani është 9-mujashe, ndërsa Drenusha shpreson se Dua do të bëhet një volejbolliste e spikatur ashtu si vet ajo dhe tezja e saj, Shema.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat