Drita në presion të finales së tretë, Fer Volley më i relaksuar

Volejboll

Drita në presion të finales së tretë, Fer Volley më i relaksuar

Nga: K. G. Më: 6 maj 2022 Në ora: 18:29
Drita në presion të finales së tretë, Fer Volley më i relaksuar

Drita është në presionin e finales së tretë të play-off-it të Superligës së Kosovës në volejboll, ndërsa Fer Volley është më i relaksuar për faktin se ka barazuar serinë e fitoreve (1:1).

Ndeshja luhet nesër në orën 20.00 në Palestrën e Sporteve “Bashkim Selishta - Petriti” në Gjilan. Bileta kushton 1 euro sipas KV Dritës.

Lorik Ilazi, kryetrajner i Dritës dhe Edon Ibrahimi, kryetrajner i Fer Volley, cila e ka strategjinë më të fortë, gjithçka do të shihet nesër mbrëma!

Vashat e Dritës e kanë përparësinë e terrenit, ndërsa Fer Volley e ka qetësinë!

“Spektakël i rezervuar nga KV Drita - femrat për këtë finale të madhe.

Gjithë vitin të gjitha ekipet më të mira të Kosovës ishin në garë për këtë Trofe, tani mbeten vetëm dy, luftojnë në dy ndeshjet e para dhe ndahen baras, tani radhën e ka e 3-ta e Finales së madhe.

KV DRITA në ndeshjen e 1-rë në Gjilan fitoj me rezultat 3 me 0, ndërsa në përballjen tjetër humbi po me rezultat te njejte 3 me 0 dhe ndeshjet barazohen në 1 me 1.

Duhet fituar 3 ndeshje për tu shpallur Kampion i Kosovës”, shkruan në faqen e Dritës.

“Ftojmë te gjithë ‘Intelektualët’ dhe qytetarët e Gjilanit të përcjellin nga afër finalen e Dritës sonë në Palestrën 'Bashkim Selishta – Petriti’ në Gjilan aty ku vetëm ju ja dini si duhet dhe së bashku të sjellim trofeun e radhës në Gjilan”, thuhet më tej në njoftimin e Dritës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat