Jashari - Avdullahu e Maliqi - Bajrami shpallen kampionë

Volejboll

Jashari - Avdullahu e Maliqi - Bajrami shpallen kampionë

Më: 30 qershor 2022 Në ora: 23:58
Jashari - Avdullahu e Maliqi - Bajrami shpallen kampionë

Ka përfunduar turneu i grumpshës U22 në Beach Volley, i organizuar nga Federata e Volejbollit të Kosovës (FVK), derisa ishim dëshmitarë të një spektakli të njëmendtë të volejbollit në rërë.

Turneu zuri vend mes datave 29/30 qershor në fushat e "Holiday Resort".

Plot 21 ekipe morën pjesë - 9 në konkurrencën e fremrave dhe 12 te meskujt, teksa u zhvilluan 35 ndeshje në total, duke dhuruar momente spektakolare për volejbolldashësit në proces.

Në konkurrencën e femrave, dyshja fantastike Yllka Jashari/Melirona Avdullahu triumfoi pas mposhti në finale çiftin Dhurata Miftari/Agnesa Koxha

Ishte një ndeshje brilante të shikohej, derisa paraqitje të mira tregoi edhe dyshja Finesa Sylejmani/Vesha Shabani, e cila zuri vendin e tretë.

Medaljet për tri vendet e para te femrat u ndanë nga Komesari i Garave, Ardian Ibraj.

Ishte presidenti i Federatës së Volejbollit të Kosovës, Bahri Gjinovci ai që ndau trofeun për ekipin triumfues, Jashari/Avdullahu.

Sa i përket konkurrencës së meshkujve, dyshja impresive Ermal Maliqi/Erion Bajrami u shpall kampione, pasi u treguan më të fortë në finale ndaj çiftit Enes Shabani/Yll Salihu. Vendin e tretë e zuri ekipi i përbërë nga Rigon Bajrami dhe Eron Murseli.

Medaljet për tri vendet e para te meshkujt i ndau ish-volejbollistja e mirënjohur, Vlora Berisha.

Sekretari i Përgjithshëm i FVK-së, Valon Nikqi ndau Kupën te fituesit Maliqi/Bajrami.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat