Bosnja hakmerret dhe fiton ndaj kuqezinjve në Europian

Volejboll

Bosnja hakmerret dhe fiton ndaj kuqezinjve në Europian

Më: 8 gusht 2022 Në ora: 12:50
Bosnja hakmerret dhe fiton ndaj kuqezinjve në Europian

Pas fitores 3-2 më përmbysje një ditë në parë ndaj Bosnjës, këtë herë mrekullia nuk ndodhi. Kombëtarja e meshkujve në volejboll sot u mund 3-1 nga rivalët boshnjakë, në ndeshjen e dytë që dy ekipet luajtën mes tyre në “Feti Borova”.

Sfida ishte e vlefshme për Grupin G të eliminatoreve të Kampionatit Europian, ku bëjnë pjesë edhe Zvicra e Rumania (helvetët fituan 3-2 ndaj ballkanasve). Pas tri ndeshjeve të luajtura deri më tani, Shqipëria ka një fitore dhe dy humbje, duke mbyllur grupin me 2 pikë.

Ashtu si ndeshja e djeshme, edhe sot Bosnja dominoi në fushë në dy setet e para, të cilat i fitoi me shifrat e njëjta 25-18. Dhe, ashtu si dje, Shqipëria e trajnerit Jani Melka “ringjallet” dhe nis të rikuperojë, duke fituar 25-21 setin e tretë.

Gjithsesi, këtë herë mrekullia dhe përmbysja nuk ndodh, madje disa dëmtime të tjera dëmtojnë  edhe më shumë kombëtaren, që nuk ka më të njëjtën forcë. Boshnjakët dominojnë sërish dhe fiton 25-15 setin e katërt, duke e merituar fitoren dhe ngjiten në kuotën e 4 pikëve në grup.

Kalendari i kombëtares

3 gusht, Rumani – Shqipëri, 3-0

6 gusht, Bosnjë/Herzegovinë – Shqipëri, 2-3

7 gusht, Shqipëri – Bosnjë/Herzegovinë, 1-3

10 gusht, Zvicër – Shqipëri (19:30)

13 gusht, Shqipëri – Zvicër (19:00)

20 gusht, Shqipëri – Rumani (19:00)

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat