Alfred Pllana/Xhudjena Kurti kampionë

Volejboll

Alfred Pllana/Xhudjena Kurti kampionë

Më: 18 shtator 2022 Në ora: 21:14
Alfred Pllana/Xhudjena Kurti kampionë

Çifti Alfred Pllana/Xhudjena Kurti ka triumfuar në garën e Beach Volley Mix, të organizuar nga Federata e Volejbollit të Kosovës (FVK) dhe Komuna e Prishtinës, të dielën.

Ishte një garë jashtëzakonisht e fortë që u përcoll me ndeshje interesante, derisa në fund dyshja Pllana/Kurti fitoi me plot meritë.

Në finale, ata mposhtën çiftin tjetër po ashtu impresiv Ermal Maliqi/Melirona Avdullahu, derisa vendin e tretë e zuri dyshja Armend Berisha/Adelajda Prenga.

Kupat për dyshen triumfuese i ndau presidenti i Federatës së Volejbollit të Kosovës, Bahri Gjinovci, ndërsa medaljet sekretari i përgjithshëm, Valon Nikqi.

Kujtojmë se për ekipet fituese u ndanë edhe mjete financiare si shpërblim për më të mirët e kësaj gare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat