Vëmendja në Pejë

Volejboll

Vëmendja në Pejë

Më: 18 nëntor 2022 Në ora: 11:15
Vëmendja në Pejë

Këtë fundjavë zhvillohen ndeshjet e xhiros së nëntë në Superligën A, meshkujt, derisa do të jemi dëshmitarë të një superderbi.

Kampionia në fuqi, Peja pret Dritën në përballjen drithëruese, e cila luhet në palestrën "Karagaqi", të shtunën me fillim nga ora 15:00.

Peja dhe Drita aktualisht zënë pozitat dy dhe tre, me pikë të barabarta në renditje - 16. Ato kanë vetëm një më pak se lideri, Skenderbeu, i cili këtë xhiro luan kundër Lubotenit, të dielën me fillim nga ora 20:00.

Në përballjen Ferizaj luan kundër G.E Therandës, të shtunën me fillim nga ora 18:00.

Gara po bëhet jashtëzakonisht e fortë me Ferizajn, që pozicionohet në vendin e katërt, që e ndajnë vetëm dy pikë me kreun e tabelës. G.E Theranda dhe Luboteni zënë dy pozitat e fundit me nga pesë respektivisht tre pikë..

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat