Skenderbeu fiton me vështirësi kundër KV Golden Eagle Theranda

Volejboll

Skenderbeu fiton me vështirësi kundër KV Golden Eagle Theranda

Më: 26 shkurt 2023 Në ora: 21:44
Skenderbeu 

Skenderbeu nga Kraishta e Lipjanit ka mposhtur G.E Therandën, të dielën mbrëma, në ndeshjen e vlefshme për xhiron e 13 në Superligën A, meshkujt.

Djelmoshat e trajnerit Astrit Shala triumfuan me rezultat 3-2 (20:25, 25:19, 24:26, 25:14, 15:07), në një përballje tejet interesante dhe të baraspeshuar.

Ishte G.E Theranda ajo që fitoi setin e parë me rezultat 20-25, por e pësoi në të dytin me rezultat 25-19.

Ekipi therandas u rikthye për ta fituar setin e tretë me rezultat 24-26, por u dorëzua në dy setet pasuese nga një Skenderbe i rigrupuar dhe i vendosur për fitore.

Pas kësaj fitoreje, Skenderbeu grumbullon 28 pikë në krye të tabelës, ndërsa G.E Theranda tash ka 11 pikë.

comment Për komente lëvizni më poshtë
Sot mund të lexoni Shfletoni kopertinat