Gjinoci nuk i reziston Prishtinës 75

Volejboll

Gjinoci nuk i reziston Prishtinës 75

Më: 3 prill 2025 Në ora: 22:19
Rezultati

Prishtina ‘75 e përmbylli sezonin e rregullt me fitore, duke siguruar vendin e pestë në tabelë dhe një vend në Play-Off.

Kryeqytetaset u treguan dominuese ndaj Gjinocit, duke triumfuar me rezultat 3:0 dhe duke siguruar përballjen me Dritën në çerekfinale të Play-Off-it.

Nga ana tjetër, Gjinoci e mbyll kampionatin në vendin e parafundit dhe do të ketë edhe një mundësi për të qëndruar në elitë përmes Play-Out-it.

Në këtë duel vendimtar, ato do të përballen me skuadrën e dytë të Superligës B, KV Klinën, për një vend në Raiffeisen Superligën A.

Sistemi i Play-Off-it:

Dy skuadrat e para (Fer Volley & Skenderaj) shkojnë direkt në gjysmëfinale.

Në çerekfinale:

• Vendi i 3-të (Ferizaj) ndeshet me të 6-tin (Fushë Kosova).

• Vendi i 4-të (Drita) përballet me të 5-tin (Prishtina ‘75).

Në gjysmëfinale:

• Lideri (Fer Volley) do të përballet me fituesin e çiftit 4/5.

• Vendi i dytë (Skenderaj) sfidon fituesin e çiftit 3/6.

Play-Off-i premton duele të forta, ndërsa Gjinoci kërkon mbijetesën në Play-Out!

comment Për komente lëvizni më poshtë
Sot mund të lexoni Shfletoni kopertinat