Organizata Botërore e Shëndetësisë ka vendosur të mos deklarojë gjendje emergjente globale mbi krizën e Ebola-s në Republikën Demokratike të Kongos.
OBSH tha se Ebola ishte “shumë e jashtëzakonshme” në rajon, por kjo nuk përbënte një kërcënim global.
Megjithatë, pati kritika për vendet që kanë dhënë më pak se gjysmën e parave të nevojshme për t’u marrë me sëmundjen.
Shpërthimi vdekjeprurës – i dyti më i madhi në histori – ka vrarë më shumë se 1,400 njerëz.
Këtë javë rastet u zbuluan përgjatë kufirit në Ugandë, edhe pse virusi ende nuk është përhapur atje.
Deklarimi i një emergjence të Shëndetit Publik Ndërkombëtar është një nga veprimet më të rëndësishme që OBSH-ja mund të ndërmarrë.
Ajo e ka bërë këtë vetëm katër herë më parë, duke përfshirë edhe shpërthimin e Ebola-s në Afrikën Perëndimore, e cila vrau më shumë se 11.000 njerëz.
