Ambasada amerikane në Liban tha të Shtunën se përkrah lëvizjen një-mujore të protestës kundër qeverisë në Liban, raporton France24.
"Ne mbështesim popullin libanez në demonstratat e tyre paqësore dhe shprehjet e unitetit kombëtar," tha ambasada përmes një postimi në rrjetin social Twitter.
Që nga 17 tetori, Libani është përfshirë nga një lëvizje proteste ndër-sektare e paparë kundër tërë institucionit politik, i cili shihet gjerësisht si i korruptuar në mënyrë të pakthyeshme dhe i paaftë për t'u marrë me një krizë në thellim ekonomik.
