Specialja konfirmon vizitën e Gucatit në Kosovë

Aktuale

Specialja konfirmon vizitën e Gucatit në Kosovë

Më: 3 korrik 2022 Në ora: 14:45
Hysni Gucati

Ish-kryetari i Organizatës së Veteranëve të Luftës së Ushtrisë Çlirimtare të Kosovës Hysni Gucati , po e zhvillon një vizitë në Kosovë.

Nën masat e rrepta të sigurisë Gucati, e ka vizituar nënën e tij e cila është e sëmurë dhe është e shtrirë në spital.

Vizita e tij u konfirmua edhe nga Dhomat e Specializuara.

Zëdhënësja Angela Griep, në një përgjigje tha se vizita është lejuar për “arsye humanitare bindëse”.

Griep tha se ish-kreu i OVL UÇK-së do ta takojë familjen e tij të ngushtë.

“Për arsye humanitare bindëse, paneli i Apelit ka udhëzuar Zyrën Administrative që të menaxhojë një vizitë nën mbikqyrje në Kosovë të z. Gucati për të takuar familjen e ngushtë. I akuzuari mbetet në paraburgim të Dhomave të Specializuara. EULEX dhe Policia e Kosovës po mbështesin Dhomat e Specializuara të Kosovës”- thuhet në përgjigjet.

Hysni Gucati, ishte në Kosovës pak ditë pasi atij i vdiq babai.

Avdullah Gucati vdiq më 27 maj 2022.

Ish-kreu i veteranëve dhe zëvendësi i tij Nasim Haradinaj u dënuan nga Specialja me nga 4 vite e gjysmë burgim dhe 100 euro gjobë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat