Belgjika do ta ndihmojë Kosovën për anëtarësim në organizata ndërkombëtare

Aktuale

Belgjika do ta ndihmojë Kosovën për anëtarësim në organizata ndërkombëtare

Më: 5 korrik 2022 Në ora: 09:49
Xhelal Sveçla dhe Petra De Sutter

Ministri i Brendshëm i Kosovës, Xhelal Sveçla po vazhdon vizitën në Bruksel, ku sot ka takuar zëvendëskryeministren e Ministren e Administratës Publike, Petra De Sutter.

Sveçla e ka falenderuar De Sutter për mbështetjen e vazhdueshme për Kosovën dhe e ka njoftuar, siç ka thënë ai, “për të arriturat e qeverisë sonë, ndër të tjera në sundimin e ligjit e luftimin e krimit dhe korrupsionit”.

“Diskutuam për projekte konkrete në fushën e administratës publike, konkretisht në projektet tona në fushën e digjitalizimit të shërbimeve publike dhe procedurave administrative, proceset e rekrutimit si dhe në përmirësimin e sigurisë kibernetike”, ka shkruar Sveçla.

Po ashtu thuhet se De Sutter shprehu gatishmërinë e saj për mbështetjen e shtetit belg në projektet e administratës publike si dhe anëtarësimin e Kosovës në organizata ndërkombëtare.

“Gjatë këtij takimi miqësor u dakorduam për nevojën e zgjerimit dhe fuqizimit të bashkëpunimit mes dy vendeve tona”, ka shkruar Sveçla.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat