“Armiku i tërbuar”/ Milazim Krasniqi i reagon Edi Ramës si asnjëherë më parë: Avokat i Serbisë – ja deklarata e Ramës që acaroi Krasniqin

Aktuale

“Armiku i tërbuar”/ Milazim Krasniqi i reagon Edi Ramës si asnjëherë më parë: Avokat i Serbisë – ja deklarata e Ramës që acaroi Krasniqin

Nga: N. Sh. Më: 6 korrik 2022 Në ora: 16:54
Milazim Krasniqi

Profesori universitar dhe njohësi i çështjeve politike, Milazim Krasniqi i ka reaguar ashpër kryeministrit të Shqpërisë, Edi Ramës.

Ishte një deklaratë e Ramës në mbrojtje të Serbisë që e acaroi Krasniqin.

Pas kësaj, Krasniqi e quan avokat të Serbisë, Edi Ramën dhe pyet se duhet të mbrohet me kaq pasion armiku i tërbuar.

Lexojeni reagimin e ashpër të Milazim Krasniqit:

PSE U DASHKA TË MBROHET ME KAQ PASION ARMIKU I TËRBUAR

Këto fjalë që do të citohen këtu, nuk janë të Vuçiqit, as të Daçiqit, as të Vulinit. Janë të Edi Ramës! Ja çfarë thotë Edi Rama: “Serbia nuk mund të lirohet shpejt nga varësia kryesisht e gazit rus, por tri herë ka votuar kundër invazionit rus në Ukrainë në Kombet e Bashkuara. Ky është rast unik, këtë askush nuk e ka pritur. Megjithatë, Ballkani mbetet rreth i pambrojtur. Lufta në Ukrainë do të mund të eskalonte, madje të sjellë edhe te konflikti i hapur.” (b92, 6 korrik 2022) Këtë deklaratë të Edi Ramës, si avokat i Serbisë, njeriu shqiptar e lexon, i fshin sytë dhe prapë nuk e beson. Këso avokatie për Serbinë nuk bën askush në Evropë, përveç ndoshta Llukashenkos dhe ambasadorit rus në Beograd, Harqenko.

Edi Rama do të duhej t’u tregonte shqiptarëve cili është interesi shqiptar, që të mbrohet Serbia me kaq pasion. Pse duhet të mbrohet armiku më i madh i kombit shqiptar? Pse duhet të mbrohet shteti serb, i cili brenda një dekade të viteve 90, ka bërë katër luftëra agresive në Evropë, duke rrezikuar paqen dhe duke mundësuar penetrimin rus?

Pse duhet të mbrohet shteti që përditë kërcënon me kthim hakmarrës në Kosovë? Dhe mbi të gjitha, pse duhet të mbrohet me spekulime, kur dihet botërisht që Serbia është qartë në anën e Rusisë? Këtë nuk mund ta fshehë as vetë Serbia e as Edi Rama. Pyetja më logjike në këtë rast është: vërtet a mendojnë kështu si Edi Rama të gjithë ata shqiptarë në Shqipëri, që e lejojnë një person të tillë të jetë kryeministër shqiptar? Apo mos ai ka dalë pakthyeshëm nga shinat e vullnetit të tyre politik?

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat