​Meta: Mezi pres të duartrokas një marrëveshje Kosovë - Serbi

Aktuale

​Meta: Mezi pres të duartrokas një marrëveshje Kosovë - Serbi

Më: 22 korrik 2022 Në ora: 11:25
Presidenti i Shqipërisë, Ilir Meta

Presidenti i Shqipërisë, Ilir Meta tha se me padurim pret arritjen marrëveshjes përfundimtare mes Kosovës dhe Serbisë, që çon në normalizim të marrëdhënieve mes dy vendeve dhe përfshin njohjen reciproke.

Në një konferencë për media, pas takimit me presidenten Vjosa Osmani, Meta tha se Kosova u provua që është faktor i paqes dhe stabilitetit në rajon dhe se me të gjitha shtetet ka marrëdhënie të mira.

“Mezi presim të duartrokasim një marrëveshje qe qon jo vetëm normalizimit por edhe njohjes reciproke në mes Kosovës dhe Serbisë. Kjo është në interes të të gjithë rajonit. Dua t’iu përgëzoj dhe t’iu nxisë për të ecur në ketë rrugë për të evituar çdo provokim”, tha ai.

Presidenti i Shqipërisë në largim tha se nga e hëna do të bëjë më shumë për Kosovën. 

commentFirst article
Sot mund të lexoni Shfletoni kopertinat