Përplasje dhe fishkëllima në Kuvend, kjo është lëvizja e fundit e opozitës

Aktuale

Përplasje dhe fishkëllima në Kuvend, kjo është lëvizja e fundit e opozitës

Nga: Bota sot Më: 13 korrik 2023 Në ora: 07:11 Përditësuar në ora: 12:27 më 13.07.2023
Kuvendi i Kosovës

“Qen, mos ja shaj familjen askujt”, përplasje ndërmjet anëtarëve të VV-së dhe PDK-së edhe jashtë sallës

Po përplasen verbalisht edhe anëtarë ose përfaqësues të LVV-së dhe PDK-së. Të njëjtit po qëndrojnë në hollin e Kuvendit të Kosovës.

"Qen, mos ja shaj familjen askujt", po dëgjohen të njëjtit duke thënë, pas dhunës që ndodhi mes deputetëve dhe ministrave.

Gjatë fjalimit të kryeministrit Albin Kurti në seancën e sotme të Kuvendit, deputetë e ministra janë përfshirë në përleshje fizike.

Deputeti i Partisë Demokratike të Kosovës në drejtim të foltores së Kuvendit, Mërgim Lushtaku, ka hedhur ujë në drejtim të Kurtit dhe zëvendëskryeministrit Besnik Bislimi. Ky i fundit e ka hedhur shishen në drejtim të tij. Më pas, Lushtaku e ka shtyrë ministrat Hekuran Murati dhe Albulena Haxhiun. Kjo e fundit është dëgjuar të thotë “a je normal”.

Ndërkaq, kryetari i Kuvendit të Kosovës, Glauk Konjufca ka thirrur Policinë brenda sallës së parlamentit.

Përleshja në Kuvend, PDK: Bislimi i pari e goditi Mërgim Lushtakun me mjete të forta

Partia Demokratike e Kosovës ka reaguar pas përleshjes në Kuvend, duke thënë se e dënojnë “sulmin e zëvendëskryeministrit Bislimi ndaj deputetëve të PDK-së”.

“Sikur të mos u mjaftonte fyerja që i bënë shtetit të Kosovës, veteranëve të UÇK-së, akterëve politikë shqiptarë, popullit të Kosovës, para shërbëtorëve të Radojçiqit, sot, në Kuvendin e Kosovës, zëvendëskryeministri Besnik Bislimi në vend që të ndihej i turpëruar dhe të jepte llogari për përgjimet, provokoi opozitën duke i hequr fotografinë që ata i vendosën në foltore”.

Madje, PDK thotë se ishte pikërisht zëvëndëskryeministri Bislimi i cili i pari e goditi me mjete të forta, shishe, deputetin Mërgim Lushtaku.

“Në një moment kur Kryetari i Kuvendit u desh që të reagojë dhe të mos e lejojë atë që të ndodhë, ai u bëri thirrje Policisë së Kosovës që të ndërhyjnë dhe të arrestojnë deputetët e opozitës. Futja e Policisë së Kosovës në Kuvend nuk është lejuar të ndodhë as në momentin më të errët në historinë e Kuvendit të Kosovës, kur Lëvizja Vetëvendosje hidhte gaz lotsjellës dhe rrezikonte jetën e deputetëve. Tani, gjithçka është e qartë. Kjo Qeveri, ky kryeministër, ky pushtet, shihet qartë se duke tentuar të fshehë koordinimin dhe bashkëpunimin me Millan Radojçiqin, po përdorë çdo mjet, edhe dhunën, ndaj deputetëve opozitarë. Ky Kuvend dhe kjo Qeveri nuk kanë më kurrfarë kuptimi dhe asnjë lloj kredibiliteti”.

“Një Qeveri që bashkëpunon me kriminelët serbë, në dëm të interesit të shtetit dhe qytetarëve të Kosovës, duhet të shkoj në shtëpi një orë e më parë. Kosova ka nevojë për zgjedhje të reja, nga të cilat, qytetarët me votën e tyre do të zgjedhin një Qeveri kredibile e cila do ta kthej vendin në rrugën e duhur drejt integrimit euro-atlantik”.

Shtohet prezenca e Policisë jashtë sallës së Kuvendit

Jashtë sallës të Kuvendit të Kosovës është shtuar prezenca e pjesëtarëve të Policisë së Kosovës.

Po ashtu, edhe te shkallët që çojnë në sallën e kuvendit, është pozicionuar sigurimi i kuvendit, të cilët nuk po lejojnë lëvizjen pa përcjellje.

Disa minuta më parë, gjatë fjalimit të kryeministrit Albin Kurti, deputetë e ministra janë përfshirë në përleshje fizike.

Deputeti i Partisë Demokratike të Kosovës në drejtim të foltores së Kuvendit, Mërgim Lushtaku, ka hedhur ujë në drejtim të Kurtit dhe zëvendëskryeministrit Besnik Bislimi. Ky i fundit e ka hedhur shishen në drejtim të tij. Më pas, Lushtaku e ka shtyrë ministrat Hekuran Murati dhe Albulena Haxhiun. Kjo e fundit është dëgjuar të thotë “a je normal”.

Ndërkaq, kryetari i Kuvendit të Kosovës, Glauk Konjufca ka thirrur Policinë brenda sallës së parlamentit.

Pas përleshjes, Kurti rrethohet nga mbrojtja dhe ministrat e tij

Në Kuvendin e Kosovës sot pati përleshje mes deputetëve dhe ministrave derisa kryeministri Kurti ishte duke folur në foltore.

Aktualisht seanca është ndërprerë pasi kryeparlamentari Konjufca thirri policinë.

Kryeministri Kurti po qëndron në sallë i rrethuar nga mbrojtja dhe disa ministra të tij, si dhe deputetë të partisë.

Në fjalën e tij, Kurti ishte duke folur për policinë në Veri dhe për Milan Radojiçiq. 

Përleshja nisi kur deputetja e PDK-së Ganimete Musliu i vendosi një foton të Kurtit me hundë të gjatë. Më pas zëvendëskryeministri Besnik Bislimi doli dhe e hoqi fotografinë, gjë që çoi në reagimin e deputetit të PDK-së Mërgim Lushtaku, i cili i gjuajti me ujë kryeministrin Kurti dhe zëvendësin e tij Bislimi. Këtu reagoi ministri Hekuran Murati, i cili mori edhe disa goditje.

Pas kësaj kryeparlamentari Konjufca e thirri policinë.

“Ju lutem policia brenda Kuvendit”.

Haxhiu-Lushtakut: A je normal?

Gjatë fjalimit të kryeministrit, Albin Kurti, deputetë e ministra janë përfshirë në përleshje fizike.

Deputeti i Partisë Demokratike të Kosovës në drejtim të foltores së Kuvendit, Mërgim Lushtaku, hedh ujë në drejtim të Kurtit dhe zëvendëskryeministrit Besnik Bislimi. Ky i fundit e hedh shishen në drejtim të tij.

Më pas, Lushtaku shtynë ministrat Hekuran Murati dhe Albulena Haxhiun. Kjo e fundit dëgjohet teksa thotë “a je normal”.

Ndërkaq, kryetari i Kuvendit të Kosovës thërret Policinë brenda sallës së parlamentit.

Haliti flet pas rrahjes në Kuvend: E turpshme

Deputeti i PDK-së, Xhavit Haliti e quajti të turpshme rrahjen në Kuvendin e Kosovës.

Haliti i tha se situatë nuk është dashur të vijë deri në atë pikë nga asnjëra palë.

“Për nder e turpshme… Njerëzit nxehen nganjëherë, por nuk u dashtë me e kriju këtë situatë asnjëra palë”, tha Haliti.

Përleshja fizike nisi në seancën e sotme kur po fliste kryeministri Albin Kurti.

Pasi zëvendëskryeministri Besnik Bislimi e heqi një letër të vendosur nga opozita në foltore, deputeti i PDK-së, Mërgim Lushtaku shkoi dhe iu hodhi ujë Kurtit dhe Bislimit. Ky i fundit iu kthye Lushtakut duke e hedhur në drejtim të atij një shishe uji. Situata eskaloi me përfshirjen edhe të deputetëve të tjerë.

Ky është deputeti i PDK-së që e lagu me ujë Kurtin dhe nxiti përleshjen në Kuvend

Në Kuvendin e Kosovës ka ndodhur një përplasje fizike në të cilën janë përfshirë disa deputet të Partisë Demokratike të Kosovës dhe disa ministra të Qeverisë Kurti.

E gjithë ngjarja është provokuar pasi zv.kryeministri Besnik Bislimi është zgjuar nga karrigia e tij dhe ka shqyer një fotografi që Ganimete Musliu e kishte vendosur para foltores teksa fliste Kurti.

Pas kësaj është zgjuar deputeti Mergim Lushtaku i cili ka hedhur ujë në drejtim të Kurtit dhe Besnik Bislimit.

Bislimi i është kundërpërgjigjur duke e gjuajtur me shishe Lushtakun, më pas është përfshirë edhe Hekuran Murati e Hajdar Beqa, ku edhe ka eskaluar gjithçka dhe kanë ndërhyrë sigurimi i Kuvendit.

Pas rrahjes në Kuvend – Kurti, ministrat e deputetët ende nuk janë ulur

Përplasja mes pozitës dhe opozitës në Kuvendin e Kosovës që ndodhi sot ka përfunduar.

Por të gjithë deputetët dhe kabineti qeveritar janë në këmbë bashkë me kryeministrin Albin Kurti, nuk janë ulur në vendet e tyre përkatëse.

Pranë Kurtit janë duke qëndruar mbrojtja e tij e afërt dhe ministrat bashkë me deputetët e LVV-së përreth.

E gjithë përplasja ndodhi derisa Kurti ishte duke mbajtur fjalim në Kuvend.

Rrahja në Kuvend, Konjufca lajmëron për pauzë

Pas rrahjes që ndodhi në Kuvendin e Kosovës, kryeparlamentari Glauk Konjufca njofton për një pauzë prej 30 minutash.

Tutje, Konjufca tha se përgjegjësit për sigurinë e Kuvendit mund ta vazhdojnë punën e tyre.

“Shkojmë në pushim 30 minuta. Kurse ata që janë përgjegjës për sigurinë ta vazhdojnë punën e tyre për gjithçka që është e nevojshme”, tha Konjufca.

Pamjet nga përleshja në Kuvend ndëmjet pozitës dhe opozitës

Në Kuvendin e Kosovës ka ndodhur një përleshje ndërkohë sa po mbante fjalim, kryeministri Albin Kurti.

Partitë opozitare gjatë tërë kohës e kundërshtonin kryeministrin Kurti duke e quajtur “rrenc”.

Në një moment deputeti i PDK-së, Mërgim Lushtaku e ka gjuajtur me ujë Kurtin dhe në ato momente kanë ndërhyrë ministrat e kabinetit qeveritar, dhe pastaj ka eskaluar situata.

Situata ka esklauar deri në përleshje fizike mes ministrave dhe deputetëve opozitarë.

comment Për komente lëvizni më poshtë
Sot mund të lexoni Shfletoni kopertinat