Arben Fetahu dhe FBK: Kontributi i Avni Shabanit nuk do të harrohet asnjëherë

Basketboll

Arben Fetahu dhe FBK: Kontributi i Avni Shabanit nuk do të harrohet asnjëherë

Më: 16 dhjetor 2020 Në ora: 11:42
Arben Fetahu dhe FBK: Kontributi i Avni Shabanit nuk do të harrohet asnjëherë

Federata e Basketbollit të Kosovës, është e pikëlluar thellë me lajmin për vdekjen e gazetarit të mirënjohur sportiv, Avni Shabani. 

“E nderuara Familja Shabani, Shoqata e Gazetarëve Sportive e Kosovës dhe gjithë komuniteti i gazetarëve sportivë të Kosovës 

Federata e Basketbollit e Kosovës (FBK) shpreh ngushëllimet më të sinqerta për ndarjen nga jeta të gazetarit të mirënjohur sportiv, Avni Shabani. 

Avniu me raportimet e tij nga vendi i ngjarjes dhe studio, ishte shembull i një punëtori të palodhur dhe shumë i pasionuar pas sportit të Kosovës. 

Raportimet dhe intervistat e shumta ishin gjithmonë korrekte dhe komuniteti i basketbollit i Kosovës nuk do të harrojë asnjëherë kontributin e madh të tij.  

Shabani ia kushtoi karrierën e jetën gazetarisë sportive, duke u shquar për numrin e madh të intervistave, kronikave dhe transmetimeve. 

Në emër timin personal, por edhe FBK-së, shpreh ngushëllimet më të sinqerta për familjen Shabani, Shoqatën e Gazetarëve Sportivë të Kosovës dhe gjithë komunitetin e gazetarëve sportivë të Kosovës.  
Kontributi i tij nuk do të harrohet asnjëherë dhe do të jetë shembull edhe për gjeneratat e ardhshme.  
I qoftë i lehtë dheu i Kosovës!”, ka shkruar Arben Fetahu, kryetar i Federatës së Basketbollit të Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat