Harden e udhëheq Brooklyn Nets drejt fitores së radhës

Basketboll

Harden e udhëheq Brooklyn Nets drejt fitores së radhës

Më: 18 mars 2021 Në ora: 11:22
Harden e udhëheq Brooklyn Nets drejt fitores së radhës

Në përballjen e madhe të Konferencës së Lindjes në NBA mes Milwaukee Bucks dhe Philadelphia 76ers skuadra Wisconsin mundi të triumfonte pas kohës shtesë me rezultatin përfundimtar 109-105.

Vendimtar në këtë sukses i zakonshmi Giannis Antetokounmpo, i cili arriti numër dyshifror në dy aspekte të lojës, duke shënuar 32 pikë dhe kontrolluar plot 15 topa.

Fitore befasuese 110-117 e Cleveland Cavaliers përballë Boston Celtics. Skuadra nga Ohio triumfoi falë liderit të saj, Collin Sexton, që shënoi 29 pikë, pa harruar edhe 25 pikët e Darius Garland.

Të papërmbajtshëm Brooklyn Nets, që nën lidershipin e James Harden, iu imponuan 115-124 Indiana Pecers. Në “Bankers Life Fieldhouse” të Indianapolisit “Mjekroshi” i famshëm i NBA dhuroi spektakël duke realizuar “triple-double”: 40 pikë, 10 “rebound” dhe plot 15 asiste. Për Nets-at ky ishte suksesi i 28-të gjatë sezonit të rregullt, që i ngjit në krye të Konferencës së Lindjes, duke zhvendosur në vendin e dytë 76ers.

Një kosh i Ja Morant vetëm një sekondë para rënies së sirenës për përfundimin e takimit u dha fitoren Memphis Grizzlies përballë Miami Heat në fund të një sfidë shumë të luftuar. 85-89 ishte rezultati përfundimtar në favor të Grizzlies, falë realizimit të dy gjuajtjeve të lira në limit.

Në takimin e fundit të mbrëmjes skenën e rrëmbeu Luka Doncic, falë të cilit Dallas Mavericks mposhtën lehtësisht Los Angeles Clippers 89-105. Talenti slloven e mbylli takimin me plot 42 pikë, 6 “rebound” dhe 9 asiste.

Rezultatet:

Toronto Raptors – Detroit Pistons 112-116

Brooklyn Nets – Indiana Pacers 124-115

Milwuakee Bucks – Philadelphia 76ers 109-105

Sacramento Kings – Washington Wizards 121-119

Boston Celtics – Cleveland Cavaliers 110-117

San Antonio Spurs – Chicago Bulls 106-99

Golden State Warriors – Houston Rockets 108-94

Charlotte Hornets – Denver Nuggets 104-129

Miami Heat – Memphis Grizzlies 85-89

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat