Penza mund Flamurtarin, në finale ndeshet me Prishtinën

Basketboll

Penza mund Flamurtarin, në finale ndeshet me Prishtinën

Më: 13 tetor 2021 Në ora: 21:10
Penza mund Flamurtarin, në finale ndeshet me Prishtinën

Penza e Pejës është kualifikuar në finalen e Superkupës Mbarëkombëtare, duke e mundur Flamurtarin e Vlorës me rezultat 70:79 (17:20, 27:12, 12:24, 14:23).

Ndeshjen më mirë e nisi skuadra e Penzës, duke pasur epërsi të lehtë dhe e fitoi çerekun e parë 17:20. Por, skuadra vlonjate nuk u dorëzua dhe ishte bindshëm më e mirë në periodën e dytë, duke e fituar këtë pjesë 27:12, duke shkuar në pushim me rezultat 44:32.

Rikthimi i skuadrës pejane nuk vonoi dhe në pjesën e dytë hyn e motivuar. Kjo u vërejt në periodën e tretë, të cilën e fituan 12:24, ndërsa rezultati në semafor pas 30 minutash ishte 56:56. Kampionet e Kosovës nuk u ndalën as në 10 minutat e fundit, për të triumfuar në fund me rezultat 70:79, për tu kualifikuar në finale ku do të përballet me Prishtinën, të enjten nga ora 19:00.

Te Flamurtari u dalluan Laura Jane Johnson me 29 pikë dhe Emma Michelle Obryan me 24 pikë, kurse te Penza u dalluan Rael Whitsitt me 23 pikë e nëntë kërcime dhe Briana Williams me 31 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat