Fitore bindëse e Trepçës ndaj Rahovecit

Basketboll

Fitore bindëse e Trepçës ndaj Rahovecit

Më: 20 tetor 2021 Në ora: 21:23
Fitore bindëse e Trepçës ndaj Rahovecit

Trepça ka shënuar fitore si mysafire ndaj Rahovecit me rezultat 75:103 (19:31, 17:26, 20:29, 19:17), në kuadër të javës së shtatë të Art Motion Superligës së Kosovës në basketboll.

Vetëm pesë minutat e parë ishin të barabartë dhe më pas mitrovicasit ishin më të mirë, duke e fituar çerekun e parë me rezultat 19:31. Vendasit e filluan më mirë periudhën e dytë, duke ngushtuar shifrat në 26:31, por mysafirët sërish fillojnë shkëputjen për të fituar periudhën e dytë 17:26 dhe për të shkuar në pushim me rezultat 36:57.

‘Xehetarët’ nuk u ndalën as në periodën e tretë, ku arritën epërsinë më të lartë në 35 pikë, 51:86, ndërsa rezultati në semafor pas 30 minutash ishte 56:86. Dhjetë minutat e fundit ishin formal dhe Trepça triumfoi me rezultat 75:103.

Te Rahoveci u dallua Altin Morina me 16 pikë e tetë asistime, kurse te Trepça u dalluan Amin Hot me 19 pikë, gjashtë kërcime e dhjetë asistime dhe Taurus Ramon Cockfield me 20 pikë e gjashtë asistime.

Rahoveci ka një fitore dhe gjashtë humbje, ndërsa Trepça pesë fitore dhe një humbje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat