Dardanët kundër Danimarkës

Basketboll

Dardanët kundër Danimarkës

Më: 28 nëntor 2021 Në ora: 15:37
Dardanët kundër Danimarkës

Për festën e 28 Nëntorit, Dardanët shpresojnë të festojnë.

Kosova sonte do të përballet me Danimarkën nga ora 19:00, në sfidën parakualifikuese për FIBA Eurobasket 2025.

Basketbollistët e Kosovës pësuan nga Norvegjia në udhëtim me rezultat 86:77, ndërsa shpresojnë në rezultat pozitiv përballë danezëve, edhe pse nuk do ta kenë aspak lehtë, pasi kundërshtari është i fortë, dhe i renditur në vendin e 55-të në botë.

Kjo është hera e parë që përballen Kosova dhe Danimarka, që garojnë në Grupin C, ku vendi i parë dhe vendi i dytë më i mirë nga tri grupet parakualifikuese, kualifikohen në xhiron e dytë të parakualifikimeve.

Për shkak të masave anti-Covid në Kosovë, lejohen vetëm 10 % e tifozëve në palestër, të cilët duhet të kenë certifikatën e vaksinimit dhe të mbajnë maska.

Tifozët e Kosovës “Dardanët” pas dy vjetësh rikthehen në palestër, që i kanë munguar shumë basketbollistëve.

Basketbollistët e Kosovës të shtunën janë stërvitur në Prishtinë, pas ardhjes nga Norvegjia, ku atmosfera ishte shumë e mirë dhe shpresohet në rezultat pozitiv.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat