Mbahet FIBA SCOD Klinika për gjyqtarët e basketbollit 

Basketboll

Mbahet FIBA SCOD Klinika për gjyqtarët e basketbollit 

Më: 11 janar 2022 Në ora: 11:43
Mbahet FIBA SCOD Klinika për gjyqtarët e basketbollit 

Gjatë fundjavës është mbajtur FIBA SCOD Klinika për gjyqtarët e basketbollit. 

Në këtë Klinikë pjesëmarrës kanë qenë 48 gjyqtarë nga të gjitha listat e gjyqtarëve të FBK-së.
FIBA SCOD Klinika është udhëhequr nga FIBA Instruktori Nacional Faton Kurshumlija, Instruktori i Gjyqtarëve të FIBA-s, Gjorgi Piperkov dhe Profesori për përgatitje mentale nga Universiteti Pamukale – Denizli, Ridvan Ekmekçi.

Në këtë klinikë janë prezantuara pikat të cilat kanë qenë me rëndësi të veçantë për gjyqtarët e FBK-së: Evaulimi i ndeshjeve të ART Motion Superliga në stinorin vjeshtor të edicionit 2021-2022 nga Faton Kurshumlija, Prezantimi nga njohja e përdorimit ilegal të duarve në ndeshjet e basketbollit, nga FIBA Instruktori i gjyqtarëve Gjorgi Piperkov IUH-HC, si dhe ilustrimi i saj me anë të klipeve dhe rregullave të basketbollit, Prezantimi nga përgatitja Mentale e Gjyqtarëve ka pasur një  rendësi shumë të veçantë për gjyqtarët sepse në këtë prezantim Prof. Ridvan Ekmekçi ka prezantuar pikat më të avancuara të përgatitjeve mentale, Punëtoria (workshop) për gjyqtarët e nominuar në ndeshjet e ART Motion Superliga për evaulimin e klipeve nga ndeshjet e ART Motion Superliga në stinorin vjeshtor të edicionit 2021-2022, IOT - Mekanika 3PO, prezantuar nga FIBA Instruktori i Gjyqtareve Gjorgi Piperkov, si dhe ilustrimi i saj me anë të klipeve dhe rregullave të basketbollit. 
Në “Zoom Online” të gjithë pjesëmarrësve i është drejtuar Menaxheri i Departamentit të Gjyqtarëve të FIBA-s, Davorin Nakic, i cili ri-përsëriti rëndësinë e implementimit të FIBA SCOD Projektit, ku shumë lartë vlerësoi investimet e FBK-së, gjyqtarët, punën e FIBA Instruktorit Nacional, Faton Kurshumlija, FIBA Instruktorit Gjorgi Piperkov, në organizimet e Klinikave dhe trajnimeve tjera, ku FBK e ka renditur si udhëheqëse e SCOD Projekteve nga shtetet e vogla. 
Gjithashtu është zhvilluar Testi nga Rregullat e Basketbollit nga FIBA Instruktori Nacional Faton Kurshumlija dhe është udhëhequr nga SHGJFBK, ku 48 gjyqtarë i janë nënshtruar testimeve, ku nga 25 pyetje, 20 ka qenë të obliguara të jenë të sakta. Rezultati i tyre ka qenë shumë i mirë nga të gjithë gjyqtarët.  

Të dielën është mbajtur Testi nga Përgatitja Mentale për 20 gjyqtarë perspektiv-potencial, i cili është udhëhequr nga Prof. Dr. Ridvan Ekmekçi, ku pas testimit të gjyqtarëve i janë dhënë detyra, ushtrime për 3 muajt e ardhshme për përmirësimin e tyre.
Prof. Ridvan Ekmekçi gjatë tre muajve të ardhshëm në vazhdimësi (pa pagesë) do të organizojë edhe Zoom takimin online me gjyqtarët të testuar ku do të përcjellë situatën e tyre pas ushtrimeve dhe detyrave të dhënë atyre.

Faton Kurshumlija është shprehur i kënaqur me rrjedhën e Klinikës dhe rëndësinë që ka para fillimit të garave, ndërsa shtoi se gjyqtarët janë gati për stinorin pranveror.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat