Sfidë interesante mes Vushtrrisë dhe Prishtinës së Re

Basketboll

Sfidë interesante mes Vushtrrisë dhe Prishtinës së Re

Më: 25 janar 2022 Në ora: 11:35
Sfidë interesante mes Vushtrrisë dhe Prishtinës së Re

Në mesjavë do të zhvillohet xhiroja e 11-të në Ligën e Parë në basketboll në konkurrencën e meshkujve.

Lideri Vëllaznimi, që ka dhjetë fitore në dhjetë ndeshje të zhvilluara do të përballet me Marigona Hill Prishtinën. Kuqezinjtë janë liderë me maksimum të pikëve, kurse prishtinasit kanë tri fitore dhe shtatë humbje.

Ndeshja më interesante shihet ndërmjet Vushtrrisë dhe Prishtinës së Re. Vushtrriasit ndodhen në vendin e dytë me shtatë fitore dhe tri humbje, kurse prishtinasit në atë të tretë me gjashtë fitore e katër humbje.

Sfidë e barabartë shihet ndërmjet AS Prishtinës dhe Boreas, ku të dy skuadrat kanë nga pesë fitore dhe pesë humbje.

New Basket, që ka katër fitore e gjashtë humbje do të përballet me Feronikelin, skuadrën e vetme që ka pësuar dhjetë humbje në dhjetë ndeshje, andaj prizrenasit janë favoritë për të fituar.

Istogu, që numëron gjashtë fitore e katër humbje do të sfidohet nga Dardanët, ku kjo e fundit ka katër fitore dhe gjashtë humbje.

Liga e Parë - Java 11

E martë

18:00 Vëllaznimi - Marigona Hill Prishtina

19:00 Vushtrria - Prishtina e RE

E premte

16:30 AS Prishtina – Borea

19:00 NEW Basket - Feronikeli

19:00 Istogu - Dardanët

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat