Derbi mes Bashkimit dhe Penzës

Basketboll

Derbi mes Bashkimit dhe Penzës

Më: 28 janar 2022 Në ora: 15:26
Derbi mes Bashkimit dhe Penzës

Në fundjavë do të zhvillohet xhiroja e 13-të në Superligën e Femrave.

Derbi do të zhvillohet mes Bashkimit dhe Penzës, të shtunën dhe transmetohet në Art Motion e Kujtesa.

Ndeshja do të zhvillohet në Rahovec, pasi palestra në Prizren është shumë e ftohtë dhe klubet prizrenase ndeshjet si vendas po i zhvillojnë në qytetet tjera. Vashat prizrenase tetë fitore e katër humbje, kurse ato pejane kanë dhjetë fitore e dy humbje. Në këtë edicion të elitës, në dy ndeshje, fitore ka shënuar skuadra kampione (Penza) me rezultat 63:84 dhe 77:68. Sidoqoftë, skuadra prizrenase ka bërë disa përforcime dhe pritet ndeshje interesante.

Të shtunën zhvillohet edhe ndeshja tjetër mes Trepçës dhe Kastriotit. Vashat mitrovicase kanë tri fitore e nëntë humbje, ndërsa ato ferizajase kanë pësuar 12 humbje në po aq ndeshje të zhvilluara, duke qenë skuadra e vetme pa fitore.

Ndërkohë, skuadra e vetme pa humbje në elitë, Prishtina me 12 fitore në 12 ndeshje, do të jetë mysafire e Vëllaznimit, ndërkohë që skuadra kuqezi ka tri fitore e nëntë humbje.

Superliga e Femrave - Java 13

E shtunë

14:00 Trepça - Kastrioti

16:00 Bashkimi - Penza

E diel

13:00 Vëllaznimi - Prishtina

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat