Vëllaznimi vazhdon me fitore, fiton finalen e parë

Basketboll

Vëllaznimi vazhdon me fitore, fiton finalen e parë

Më: 16 prill 2022 Në ora: 11:53
Vëllaznimi vazhdon me fitore, fiton finalen e parë

Vëllaznimi ka shënuar fitore ndaj Prishtinës së Re me rezultat 89:72 (20:12, 27:22, 18:18, 24:20) në finalen e parë të “Play-off”-it në Ligën e Parë të meshkujve, ndërsa finalja e dytë zhvillohet në kryeqytet të hënën mbrëma. Skuadra që shënon dy fitore inkuadrohet në Superligë, ndërsa finalistja do të luajë me vendin e shtatë të “Play-off”-it për një vend në elitë edicionin e ardhshëm.

Kuqezinjtë e filluan mirë ndeshjen, duke pasur epërsi konstante në çerekun e parë, që e fituan 20:12. Skuadra nga Gjakova vazhdoi me lojë të mirë edhe në periudhën e dytë, duke ngritur epërsinë, kurse shkuan në pushim me rezultat 47:34.

Në periodën e tretë rikthehen prishtinasit, që ngushtojnë shifrat në 47:44, megjithatë, vendasit nuk lëshuan pe dhe sërish u shkëputën, ku shifrat në semafor pas 30 minutash ishin 65:52. Në dhjetë minutat e fundit, kryeqytetasit u munduan të bëjnë rikthimin e madh, por këtë nuk e lejoi Vëllaznimi, që nuk ka asnjë humbje në Ligën e Parë, duke fituar ndeshjen e parë 89:72.

Te Vëllaznimi u dallua Besnik Azemi me 25 pikë e 13 kërcime, kurse te Prishtina e Re u dallua Dion Haxhosaj me 16 pikë e 18 kërcime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat