Ylli mposht Pejën

Basketboll

Ylli mposht Pejën

Më: 24 prill 2022 Në ora: 19:44
Ylli mposht Pejën

Golden Eagle Ylli ka shënuar fitore ndaj Pejës me rezultat 80:67 (14:8, 26:21, 13:25, 27:13), në xhiron e fundit të Art Motion Superligës së Kosovës në basketboll.

Ylli përfundoi garat e rregullta në pozitën e parë me 22 fitore e gjashtë humbje dhe ka siguruar gjysmëfinalen e “Play-off”-it, kurse pejanët në pozitën e tretë me 18 fitore e dhjetë humbje, ku në “Play-off” do të përballet me Bashkimin.

Pas një fillimi të barabartë, 5:6, vendasit hyn në një seri të suksesshme, duke e fituar çerekun e parë 14:8. Kampionët vazhduan me lojë të mirë, ku në periudhën e dytë e thelluan edhe më shumë epërsinë, në 16 pikë, 40:24, ndërsa pjesa e parë përfundoi 40:29.

Megjithatë, mysafirët nuk u dorëzuan dhe në periodën e tretë dalëngadalë ngushtuan epërsinë dhe arritën të kalojnë në epërsi 53:54. Por, në dhjetë minutat e fundit, Ylli ishte më i mirë, duke triumfuar në fund 80:67.

Te Ylli u dallua Mikaile Tmusiq me 24 pikë e shtatë asistime, kurse te Peja u dallua Courtney Fells me 19 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat