Trepça e synon fitoren e dytë

Basketboll

Trepça e synon fitoren e dytë

Më: 12 maj 2022 Në ora: 15:46
Trepça e synon fitoren e dytë

Trepça dhe Peja do ta zhvillojnë sonte duelin e dytë gjysmëfinal të “play-offit” të Superligës së basketbollit.

Mitrovicasit e kanë fituar duelin e parë, 75:68, ndërsa sonte e synojnë fitoren e dytë, e cila do t’i afronte ata me finalen e madhe.

“Xehetarët” llogarisin në mbështetjen e madhe të tifozëve në palestrën e sporteve “Minatori”, ndërsa interesimi i mitrovicasve për ta përcjellë këtë ndeshje është mjaft i madh, siç njoftoi sot gjatë ditës.

Nga ana tjetër, pejanët kanë shkuar në Mitrovicë të motivuar për ta barazuar serinë e ndeshjeve dhe për ta kërkuar më pas finalen, në mënyrë që ta përsërisin suksesin që e patën në Ligën Unike.

Pra, sonte na pret një spektakël i basketbollit, i cili do të nisë në orën 20:30.

Siç dihet, ekipi që i shënon tri fitore kualifikohet në finale.

Në duelin tjetër, Golden Eagle Ylli ka avantazh prej 2-0 në serinë gjysmëfinale ndaj Sigal Prishtinës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat