Torcida do të ketë udhëtim masiv drejt Pejës me autobusët e paguar nga Komuna

Basketboll

Torcida do të ketë udhëtim masiv drejt Pejës me autobusët e paguar nga Komuna

Më: 14 maj 2022 Në ora: 14:49
Torcida do të ketë udhëtim masiv drejt Pejës me autobusët e paguar nga Komuna

Të dielën zhvillohet ndeshja e tretë e serisë gjysmëfinale ndërmjet Pejës dhe Trepçës në basketboll.

Dy ndeshjet e para të zhvilluara në Mitrovicë i kanë takuar vendasve, të cilët e kanë çuar serinë në 2-0.

Spektakël basketbollistik dhe atmosferë e jashtëzakonshme në tribuna pamë në dy ndeshjet e para.

Megjithatë, si duket ka pasur një krisje në mes të dy tifozërive, “Torcida” dhe “Shqiponjat”, të cilat deri më sot kishin marrëdhënie të shkëlqyshme.

Tifozët e Pejës kanë shprehur se “Torcidat” nuk janë të mirëseardhur më në Pejë, por kjo si duket nuk do t’i ndalojë mitrovicasit për të marrë rrugë me 6 autobusë drejt qytetit pejan.

“Ata e dijnë kush sundon n’tribinë”

Të dielën udhtojmë për në Pejë,andaj sot prej orës 15:00 ne stadiumin “Riza Lushta” në ndeshjen TREPÇA Vs Besa, ata qe duan te na u bashkangjiten duhet me ardh dhe me shkru emrin.
Ne dispozicion i kemi 6 autobusa të paguara nga Komuna e Mitrovicës ndërsa bileta kushton 3€.

Përpara TREPÇA Ti je ma e mira", njofton Torcida.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat