Ponte fiton derbin prizrenas

Basketboll

Ponte fiton derbin prizrenas

Më: 25 shtator 2022 Në ora: 23:08
Ponte fiton derbin prizrenas

Në një ndeshje interesante dhe me kthesa, Ponte Prizreni ka shënuar fitore ndaj Bashkimit me rezultat 93:101 (18:23, 14:32, 37:16, 24:30), në xhiron e tretë të Prince Caffe Superligës.

Ponte Prizreni për një nuancë ishte më i mirë se Bashkimi, duke e fituar çerekun e parë 18:23. Ponte dominoi totalisht në periudhën e dytë, sidomos me sulme të suksesshme, duke u shkëputur në 23 pikë, sa ishte rezultati pas pjesës së parë, 32:55.

Por, atë që e bëri Ponte në periudhën e dytë, e bëri Bashkimi në periodën e tretë, duke bërë një rikthim sensacional në rezultat dhe duke afruar shifrat në 69:71, sa ishte rezultati pas 30 minutash lojë. Megjithatë, në dhjetë minutat e fundit, Ponte krijoi epërsi, që e ruajti deri në fund, duke triumfuar 93:101.

Te Bashkimi u dalluan Altin Morina me 19 pikë e shtatë asistime dhe Fahro Alihoxhiq me 21 pikë e tetë kërcime, kurse te Ponte u dalluan Wayne Arnold me 33 pikë dhe Urim Zenelaj me 13 pikë e 11 kërcime.

Të dy skuadrat kanë nga një fitore e dy humbje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat