Sot, Trepça e ka njërën nga ndeshjet më të rëndësishme në vitet e fundit.
Mitrovicasit për herë të parë do të marrin pjesë në kualifikimet e FIBA Europe Cup, ku janë organizator të Grupit A.
Mitrovicasit nga ora 20:00 do të përballen me Gottingen, në çerekfinale, kurse nëse depërtojnë në gjysmëfinale do të ndeshen me Sportingun e Lisbonës.
Takimi i parë çerekfinal është Petrolina AEK-Thor nga ora 17:00. Të mërkurën zhvillohen ndeshjet gjysmëfinale, ndërsa të premten finalja e madhe, ku do të mësohet se, kush do të kualifikohet në grupet e FIBA Europe Cup.
Mitrovicasit shpresojnë që me ndihmën e publikut të zjarrtë do të kenë paraqitje të mirë në garat evropiane, ndërsa interesimi për këtë ngjarje në qytetin e Mitrovicës është i madh.
Kjo është hera e parë që do të zhvillohet një ngjarje e tillë në Mitrovicë dhe kjo është pjesëmarrja e parë e mitrovicasve në FIBA Europe Cup.
