Është mbyllur raundi i tetë i Euroleague në basketboll për meshkuj. Në krye të renditjes vijon të qëndrojë skuadra turke e Fenerbahce, fituese edhe këtë javë. Turqit fituan thellë 107-77 ndaj grekëve të Panathinaikos, duke qenë skuadra e vetme me 7 fitore deri më tani.
Surpriza edhe në grupin e ekipeve ndjekëse, ku me nga 6 fitore ndodhen Olympiacos e Monaco. Grekët fituan 82-71 në shtëpinë e Bayern Mynih, ndërsa francezët triumfuan 79-74 ndaj spanjollëve të Baskonia Gasteiz.
Mjaft interesnte sfida mes Anadolu Efes e Barcelona, fituar nga turqit 96-86. Kampionët në fuqi ishin superiorë dhe e merituan fitoren. Fiton Real Madrid, që ngjit shkallët në renditje, ndërkohë që humbet Armani Milano, që u ndal 71-62 në Lituani ndaj Zalgiris.
Euroleague – Raundi i 8-të
Anadolu Efes – Barcelona, 96-86
Crvena Zvezda – Villeurbanne, 71-67
Virtus Bolonja – Valencia Basket, 89-59
Bayern Mynih – Olympiacos, 71-82
Real Madrid – Alba Berlin, 90-72
Fenerbahce – Panathinaikos, 107-77
Zalgiris Kaunas – Armani Milano, 71-62
Monaco – Baskonia Gasteiz, 79-74
Partizan Beograd – Maccabi Tel Aviv, 96-88
