Kombëtarja e femrave pëson tjetër humbje turpëruese

Basketboll

Kombëtarja e femrave pëson tjetër humbje turpëruese

Më: 26 nëntor 2022 Në ora: 12:24
Kombëtarja e femrave pëson tjetër humbje turpëruese

Kombëtarja e femrave në basketboll u mund thellë 140-44 nga Turqia, në takimin e vlefshëm për Grupin D të Kampionatit Europian të Basketbollit, Eurobasket 2023. Ndeshja e luajtur në Mersin, u dominua e fitua pa shumë mund nga basketbollistet vendase, që e kthyen atë në një stërvitore.

Të katërta periodat u dominuan nga Turqia (35-10, 39-6, 33-13, 33-15), që arriti një fitore të lehtë. Trajnerja Mirza Alibegaj i aktivizoi të gjitha vajzat që kishte në dispozicion dhe thuajse të gjitha realizuan në koshin kundërshtar, çka mund të konsiderohet si një notë pozitive e kësaj sfide.

Shqipëria ndodhet në Grupin D, bashkë me Turqinë, Slloveninë e Poloninë. Vajzat kuqezi i kanë humbur të gjitha ndeshjet e deritanishme, ndërkohë që Turqia kryeson grupin me 3 fitore. Ndeshja e radhës për kombëtaren do të jetë më 27 nëntor, ndaj Polonisë në mjediset e akademisë “Dhimitraq Goga” në Durrës.

Grupi D – Ndeshjet e kombëtares

Poloni – Shqipëri, 125-19

Shqipëri – Slloveni, 28-127

Turqi – Shqipëri, 140-44

Shqipëri – Poloni, 27 nëntor 22

Slloveni – Shqipëri, 9 shkurt 23

Shqipëri – Turqi, 12 shkurt 23

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat