Sot dy përballje interesante

Basketboll

Sot dy përballje interesante

Më: 27 nëntor 2022 Në ora: 11:35
Sot dy përballje interesante

Superliga e Kosovës në basketboll vazhdon sot me ndeshjet e javës së 12-të.

Derbi i kësaj jave do të zhvillohet nga ora 19:00 në palestrën “Minatori”, mes Trepçës e Pejës.

Mitrovicasit hyjnë në këtë takim pas dy humbjeve radhazi, ashtu si edhe pejanët që kishin tetë fitore radhazi.

“Xehetarët” kanë gjashtë fitore e pesë humbje, kurse verdhezinjtë tetë fitore e dy humbje.

Duelin e parë të këtij edicioni e kishin fituar pejanët 83:72.  

Në ndeshjen tjetër Vëllaznimi do të përballet me Golden Eagle Yllin.

Kuqezinjtë hyjnë në këtë ndeshje me bilanc prej pesë fitoresh e gjashtë humbjeve, kurse kampionët në fuqi pas pesë fitoreve radhazi, krahas katër humbjeve që kishte regjistruar në fillim.

Kjo ndeshje do të zhvillohet nga ora 17:00, në palestrën sportive “Shani Nushi”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat