Ndeshja e fundit për Yllin

Basketboll

Ndeshja e fundit për Yllin

Më: 30 nëntor 2022 Në ora: 12:06
Ndeshja e fundit për Yllin

Kampioni i Kosovës, Golden Eagle Ylli sot (e mërkurë) do të ketë ndeshjen e fundit në grupet e FIBA Europe Cup. Ylli nga ora 20:00 në Prizren do të përballet me skuadrën gjermane, Brose Bamberg.

Therandasit kanë një fitore e katër humbje, ndërsa gjermanët tri fitore e dy humbje. Pikërisht fitorja e vetme ishte ndaj Bamberg, 78:81.

Derisa për Yllin kjo është ndeshja e fundit dhe përshëndetëse nga kjo garë, gjermanët duan fitoren për kualifikimin tutje.

Kujtojmë se kjo është hera e parë për kampionët e Kosovës që luajnë në garat ndërkombëtare.

Pasi nuk mundën të kualifikoheshin në grupet e Ligës së Kampionëve, Ylli për herë të parë mori pjesë në grupet e FIBA Europe Cup.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat