Sot do të nisë java e 20-të në Superligën e Kosovës në basketboll.
E gjithë vëmendja do të jetë në palestrën “Minatori”, aty ku do të takohen nënkampioni dhe kampioni në fuqi; Trepça dhe Golden Eagle Ylli.
Ndeshja do të zhvillohet nga ora 19:00.
Mitrovicasit kanë pasur luhatje gjatë këtij edicioni, ku numërojnë dhjetë fitore e nëntë humbje, ndërsa therandasit pasi nuk e nisën mirë kampionatin me katër humbje, tani kanë 15 fitore radhazi, duke qenë liderë në renditje.
Në këtë edicion në elitë, kampionët kanë dy fitore ndaj nënkampionit.
Ndeshja e parë në program për sot do të zhvillohet ndërmjet Ponte Prizrenit dhe Vëllaznimit, nga ora 17:00, në palestrën “Sezai Surroi”.
Të dy skuadrat kanë shtatë fitore e 12 humbje, andaj do të jetë shumë e rëndësishme për të dy skuadrat që duan të jenë pjesë e “Play-off”-it.
