Flamurtari i pathyeshëm

Basketboll

Flamurtari i pathyeshëm

Më: 19 shkurt 2023 Në ora: 12:51
Pamje nga një ndeshje

Flamurtari mbron kreun e renditjes së Kampionatit Kombëtar në Basketboll për femra edhe pas ndeshjeve të javës së 10-të.

Kampionet vlonjate fituan 70-34 në Shkodër ndaj Vllaznisë vendase, në një ndeshje që nuk pati histori, komanduar nga Flamurtari, ku u dalluan Ikete me 18 pikë e Jacobson me 17.

Tirana mundi thellë 81-49 Partizanin në derbin kryeqytetas luajtur në “Asllan Rusi”.  

Një ndeshje e dobët nga ana e skuadrës së kuqe, shumë larg asaj që pritej, duke ia bërë edher më të lehtë fitoren Tiranës. Klea Verri me 18 pikë ishte shënuesja më e mirë për bardheblutë, që mbrojnë vendin e dytë.

Vendin e katërt në kampionat mbron edhe skuadra e Studentit, që mundi 73-53 Elbasanin jashtë fushe.

Kryeqytetaset u shkëputën ndjeshëm që në periodën e parë, duke e administruar avantazhin deri në fund dhe e merituan fitoren. Pëllumbi me 16 pikë e Toska me 15 ishin dy më të mirat për Studentin.

Kategoria e Parë-Femra, java e 10-të

Elbasani – Studenti, 53-73

Vllaznia – Flamurtari, 34-70

Partizani – Tirana, 49-81

Barleti Basket (pushim)

Renditja: Flamurtari 18 pikë, Tirana 17 pikë, Partizani 16 pikë, Studenti 14 pikë, Vllaznia 13 pikë, Elbasani 11 pikë, Barleti Basket 10 pikë.

comment Për komente lëvizni më poshtë
Sot mund të lexoni Shfletoni kopertinat