Apolonia mund Tiranën pas dy kohëve shtesë

Basketboll

Apolonia mund Tiranën pas dy kohëve shtesë

Më: 30 mars 2025 Në ora: 09:59
Pamje nga ndeshja

Janë luajtur sot dy nga tri takimet e javës së 19-të dhe të parafundit të sezonit të rregullt të Superligës në basketboll për meshkuj. Skuadra e Kamza Basket ka zbritur zyrtarisht në Kategorinë e Parë pas humbjes 92-73 ndaj Vllaznisë. Suksesi mban ende në lojë për një vend në play off ekipin shkodran.

Mjaft e bukur ndeshja e luajtur në Fier, ku ekipi i Apolonisë fitoi 104-103 ndaj Tiranës, ndeshje e vendosur pas dy kohëve shtesë. Të dyja skuadrat dueluan fort për fitoren, me Skëndaj që shënoi koshin e fitores në fund. Harris me 25 pikë e Vincent me 22 pikë u dalluan për fierakët, duke i bërë tyë pavlefshme 56 pikët e dyshes Hysenagolli-Jeffers për bardheblutë.

Në ndeshjet e Kategorisë së Parë, dyshja Elbasani-Partizani qëndron në vendin e parë me pikë të barabarta pas fitoreve të fundit.

Ndeshja mes tyre javën e fundit të sezonit rregullt do të vendosë se cili ekip do të ngjitet direkt në Superligë vitin tjetër dhe cili do të luajë në play out me të pestën e Superligës.

Superliga-Meshkuj, java e 19-të

Kamza Basket – Vllaznia, 73-92

Apolonia – Tirana, 104-103

Teuta – Besëlidhja, 30 mars

Renditja: Besëlidhja 35 pikë, Teuta 28 pikë, Apolonia 28 pikë, Tirana 27 pikë, Vllaznia 26 pikë, Kamza Basket 23 pikë.

Kategoria e Parë-Meshkuj, java e 19-të

Elbasani – Skënderbeu, 133-90

Partizani – Fieri Basket, 91-87

Pogradeci – Flamurtari, 89-102

Renditja: Elbasani 36 pikë, Partizani 36 pikë, Fieri Basket 28 pikë, Skënderbeu 26 pikë, Flamurtari 24 pikë, Pogradeci 18 pikë.

comment Për komente lëvizni më poshtë
Sot mund të lexoni Shfletoni kopertinat