Sigal Prishtina fiton ndeshjen me protesta nga tifozët “Plisat”

Basketboll

Sigal Prishtina fiton ndeshjen me protesta nga tifozët “Plisat”

Më: 14 dhjetor 2025 Në ora: 22:35
Sigal Prishtina

Në një sfidë dramatike, Sigal Prishtina shënoi fitore ndaj Bashkimit me rezultat 72:70 (17:24, 25:15, 16:18, 14:13), në javën e 11-të të ProCredit Superligës në basketboll. 

Në çerekun e parë mysafirët kishin epërsi konstante, duke fituar këtë pjesë 17:24, por kundërpërgjigja e prishtinasve erdhi menjëherë në periudhën e dytë, për të shkuar në pushim me rezultat 42:39.

Perioda e tretë ishte e barabartë dhe e luftuar nga të dy skuadrat, duke e bërë sfidën në kryeqytet edhe më interesante, derisa fituesi u vendos në dhjetëminutëshin e fundit.

Dramë u zhvillua deri në fund, me bardhekaltrit që ishin më të vëmendshëm në momentet vendimtare, derisa në aksionin e fundit për prizrenasit Anderson nuk ishte i saktë për tri pikë. 

Kelby Kramer kishte dhjetë pikë e 15 kërcime te vendasit, kurse Kyan Anderson 20 pikë te mysafirët.
Sigal Prishtina ka gjashtë fitore e pesë humbje, ndërsa Bashkimi shtatë fitore e katër humbje.

Duhet theksuar se pak pasi nisi ndeshja tifozët e Prishtinës, “Plisat” hodhën mjete tymosëse në palestër.

Ata u largua nga palestra përmes policisë, por ndeshja nuk vazhdoi edhe për një orë e gjjysmë. Ishte kjo një tjetër protestë e “Plisave” ndaj kryesisë së klubit Sigal Prishtinës..

comment Për komente lëvizni më poshtë
Sot mund të lexoni Shfletoni kopertinat