Sigal Prishtina kualifikohet në play-off në ENBL!
Skuadra e Sigal Prishtinës është kualifikuar për në fazën e playoffit në kuadër të ENBL-së, pas rezultateve te ndeshjeve të fundit nga kundërshtarët e saj.
Kryeqytetasit, që humbën në ndeshjen e fundit në grup nga Keila Coolbet të luajtur me 20 janar, kanë përfunduar në vendin e 5-të në grupin B, me rekord të balancuar, 4 fitore e 4 humbje.
Kjo e bën skuadrën e Sigal Prishtinës, skuadrën e vetme kosovare që kalon tutje, pasi Peja ka kohë që është përjashtuar nga kjo garë, për shkak të mos udhëtimit në Çeki, për ndeshjen ndaj Olomouckos.
