Sllovakia në basketboll për meshkuj e përfundoi fazën e parë të parakualifikimeve për EuroBasket 2029 me bilanc të përkryer, 4 ndeshje e 4 fitore, duke zënë vendin e parë në Grupin C.
Në ndeshjen e fundit, të zhvilluar në Spshshka Nová Ves para 3.509 shikuesve, Sllovakia e mposhti Kosovën me rezultat 86:83.
Sllovakët e kishin siguruar kualifikimin në fazën e dytë të parakualifikimeve edhe para këtij takimi, ndërsa fitorja ndaj Kosovës vetëm vulosi vendin e parë në grup me bilanc maksimal.
Faza e dytë e parakualifikimeve do të zhvillohet me sistem vajtje-ardhje në muajt gusht dhe nëntor të vitit 2026, si dhe në shkurt të vitit 2027.
Fituesit e grupeve me nga katër skuadra do të sigurojnë pjesëmarrjen në kualifikimet e rregullta për EuroBasket 2029, ndërsa ekipet e tjera do të vazhdojnë garën në fazën e tretë të parakualifikimeve.
Sllovakia – Kosova 86:83 (33:22, 17:20, 20:21,16:20)
Te Sllovakia më efikasit janë: Hronský me 20 pikë, Brodziansky 17, Hlivak 15 et. Ndërsa te Kosova Hajrizi 20, Myles 17, Berisha 14 pikë etj.
Tabela
1. Sllovakia 4 4 0 342:292 8
2. Kosova 4 1 3 342:348 5
3. Shqipëria 4 1 3 304:348 5