Peja ka njoftuar dashamirët e saj se nesër nuk do të luhet ballafaqimi me Sigal Prishtinën, duke dhënë arsyet përmes një komunikate.
“Ndeshja Prishtina – Peja nuk zhvillohet nesër!
Ndeshja e paraparë për nesër ndërmjet KB Prishtina dhe KB Peja nuk do të zhvillohet, për shkak të mosregjistrimit të rosterit nga ana e ekipit vendas, KB Prishtina.
Si rrjedhojë, ndeshja do të regjistrohet me rezultat zyrtar, në përputhje me vendimin dhe procedurat përkatëse të garës.
KB Peja ka respektuar të gjitha obligimet e nevojshme për zhvillimin e kësaj ndeshjeje dhe, tashmë, fokusi i klubit është te sfida e radhës në arenën ndërkombëtare.
Të mërkurën, më 23 shtator, në ora 20:15, në Karagaçi, KB Peja do të përballet me Dinamo Bukureshtin në kuadër të FIBA Europe Cup”, ka njoftuar KB Peja.