Adele rrëfen periudhën e errët që ka përjetuar gjatë divorcit nga ish-bashkëshorti

Bota e Yjeve

Adele rrëfen periudhën e errët që ka përjetuar gjatë divorcit nga ish-bashkëshorti

Më: 19 tetor 2021 Në ora: 12:58
Adele

Adele ka pranuar publikisht se ka vuajtur nga ankthi për shkak të divorcit nga ish-bashkëshorti i saj, Simon Konecki. 33-vjeçarja ka një djalë, Angelo-n, i cili është nëntë vjeç.

Sipas “Daily Mail”, këngëtarja tha se për shkak të së birit i duhej të sillej si një grua shumë e fortë, por pasi atë e zinte gjumi, shpërthente në të qara. Ndër të tjera, Adele zbuloi se një nga këngët e albumit të ri, i dedikohet kësaj periudhe të errët në jetën e saj dhe përshkruan momentin kur pësoi për herë të parë sulm paniku.

“Është kënga ku flas për djalin tim, në fund. Isha vërtet e frikësuar. Përjetova një sulm paniku dhe i telefonova shokut tim më të mirë që të flisja me të në përpjekje për t’u qetësuar, por kjo gjë nuk ndodhi. Në një pjesë të këngës zbuloj se sapo e vija djalin në shtratin e tij, nuk e mbaja më maskën e një gruaje të guximshme”,- tha këngëtarja.

Image

Pas divorcit, Adele dhe Simon kanë ruajtur një raport miqësor për ir të djalit të tyre. Por dhimbja e thellë që këngëtarja përjetoi gjatë procesit të divorcit, ishte frymëzim për albumin e saj.

Ndërkohë, kur u pyet se si mund të ketë ndikuar kjo situatë tek gjendja emocionale dhe psikologjike e djalit të saj, Adele tha: “Kur të rritet do ta kuptojë, sepse jeta do ta ‘godasë’ edhe atë, për çka unë po kaloja”.

Image

Babai i Adele u nda nga nëna e saj, Penny, kur ajo ishte ende e vogël dhe figura mashkullore ka munguar në jetën e saj. Kur këngëtarja u bë e famshme, babai i saj, Mark, u bë i gjallë dhe nisi të jepte intervista për media të ndryshme. Dyshja nuk e përmirësoi kurrë marrëdhënien mes tyre, derisa ai ndërroi jetë në moshën 57-vjeçare, pas një beteje me kancerin.

Image
Image
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat