Dua Lipa ka ndarë një mesazh emocionues në rrjetet sociale, duke shpërndarë reflektime mbi pjesën e parë të turneut të saj global, "RadicalOptimismTour".
Pas tre javësh intensiteti dhe dhjetë natësh mbresëlënëse, ajo shprehu mirënjohjen për çdo moment të kaluar me adhuruesit në Australi dhe Zelandën e Re, duke falënderuar fansat për energjinë e pakufishme dhe dashurinë e ndarë gjatë çdo koncerti.
Lipa e cilësoi këtë periudhë një "mbyllje" të jashtëzakonshme, duke i quajtur mbrëmjet një "fillim të mrekullueshëm" për vitin e saj muzikor. Ajo gjithashtu theksoi disa bashkëpunime të paharrueshme, përfshirë këngëtaren Kita Alexander që e mbështeti në turne dhe shokun e saj, Neil Finn, i cili i bashkëngjiti saj në një performancë speciale për të kënduar "Don't Dream It's Over" në natën finale të turneut në këtë pjesë të botës.
Ajo nuk harron të falënderojë dhe miqtë e tjerë të mëdhenj që u bashkuan me të gjatë këtij udhëtimi, përfshirë Troye Sivan, Vance Joy, Tame Impala, dhe Angus Stone, të cilët e bënë çdo natë të veçantë.
Në fund të mesazhit të saj, Dua shprehu një mirënjohje të thellë për ekipin e saj të jashtëzakonshëm, që ka punuar pa u lodhur për t’i dhënë jetë kësaj turneu global. Pas një periudhe të paharrueshme në Australi dhe Zelandën e Re, Lipa është e gatshme të niset drejt Evropës për pjesën e ardhshme të turneut të saj, duke e pritur me entuziazëm audiencën evropiane.