Selena Gomez duket se po përshtatet më së miri me familjen e të fejuarit të saj, Benny Blanco — dhe këtë fundjavë, ajo e tregoi këtë edhe me stil.
Gjatë dasmës së reperit Lil Dicky, këngëtarja 33-vjeçare kishte veshur një fustan të kuq të ndezur nga marka Cult Gaia, me çmim 498 dollarë, me një prerje elegante, qafë të lartë dhe shpinë të hapur. Por ajo që tërhoqi vëmendjen ishte fakti se Selena kishte “twin-uar” pa dashje me mamanë dhe kunatën e saj të ardhshme!
Fotografia e momentit u nda fillimisht në Instagram Story nga Jeremy Levin, vëllai i Benny Blanco, dhe më pas u postua edhe nga bashkëshortja e tij, Evi Levin, e cila e shoqëroi me mbishkrimin: “Nuk ishte e planifikuar 😅.”
Të treja gratë duken mahnitëse në fustane të kuqe, duke sjellë energji dhe harmoni në festën e dashurisë. Edhe pse nuk ishte e qëllimshme, momenti u komentua gjerësisht nga fansat si një shenjë tjetër që Selena është tashmë pjesë e familjes — jo vetëm në zemër, por edhe në stil.
Nëse ky është vetëm fillimi, duket se Selena do të jetë një nuse perfekte – në modë dhe në shpirt.