Aktorja britanike Emma Watson tregoi qetësi dhe vetëbesim, pavarësisht debatit të fundit me shkrimtaren JK Rowling, teksa mori pjesë në sfilatën e markës luksoze Miu Miu gjatë Javës së Modës në Paris, ditën e hënë.
Ylli i sagës Harry Potter, 35 vjeç, u shfaq me buzëqeshje në fytyrë në kryeqytetin francez, vetëm pak ditë pasi Rowling e kishte cilësuar atë si "të paditur" në një postim kritik në rrjetet sociale, për shkak të qëndrimeve të kundërta rreth të drejtave të personave transgjinorë.
Emma zgjodhi një fustan elegant rozë të çelët dhe një xhaketë prej lëkure kamoshi ngjyrë kafe, duke tërhequr vëmendjen ndërsa hipte në pjesën e pasme të një motoçiklete për të mbërritur në event – një lëvizje që u interpretua si përpjekje për t'u paraqitur më e thjeshtë dhe tokësore, pas kritikave të Rowling që e kishte quajtur "yll i përkëdhelur i Hollivudit", shkruan "Daily Mail", transmeton "Bota sot".
Në sfilatë, Emma u bashkua me emra të njohur si Kylie Jenner, Emma Corrin dhe Poppy Delevingne.
Kjo paraqitje publike vjen pas komenteve të ashpra të autores së Harry Potter, e cila e akuzoi Watson për "mosdije mbi padijen e saj", duke i ndezur sërish debatet për qëndrimet kundërthënëse të dy figurave publike.
